«Արքայությունը» վեպ

Հունիսի 1-ին՝ Երեխաների պաշտպանության միջազգային օրվան ընդառաջ մեկնարկում է Genesis Armenia-ի` Արցախում ժողովրդագրական աճը խթանող առաջին մեծամասշտաբ ծրագիրը։
Ծրագիրն իրականացվում է «Ապագան հիմա է» բարեգործական ՀԿ-ի հետ համատեղ, իսկ կազմակերպական աշխատանքներին աջակցել են Արցախի առողջապահության, սոցիալական զարգացման և միգրացիայի նախարարությունները և ՏԻՄ-երը: Արցախում վերջին մեկ տարում ծնված (2021թ․ հունիսի 1-ից ս․թ․ մայիսի 31-ը) բոլոր երեխաներին կտրամադրվեն մանկական խնամքի պարագաների փաթեթներ՝ սրբիչ, կաթի շիշ, ծծակ։
Սրբիչներն ու պայուսակները կարել են Մարտունու կարի նորաբաց ֆաբրիկայում, որը հիմնել են Genesis Armenia և UMCOR Armenia հիմնադրամները:
Նվեր-փաթեթները բաժանվելու են Մարտունիում, Մարտակերտում, Ասկերանում, Ստեփանակերտում։ Վայրի և ժամի մասին տեղեկանալու համար հետևեք Սոցիալական զարգացման և միգրացիայի նախարարության ֆեյսբուքյան էջին։
Ծրագրի բյուջեն 28 մլն դրամ է, որը ծախսվել է 1800 նվեր-փաթեթների պարագաները ձեռք բերելու նպատակով: