Հավաքագրեցինք ու 60 համակարգիչ նվիրաբերեցինք Արցախի կրթօջախներին
22.12
2021
2021 թ․ մայիսի 10-ին Genesis Armenia ուղեղային կենտրոն/հիմնադրամը բացեց իր առաջին IT լաբորատորիան։ Խնդիր էր դրված հավաքագրել համակարգիչներ, հարկ եղած դեպքում նորոգել ու տրամադրել Արցախի և Հայաստանի մարզային կրթական հաստատություններին։ Մենք հավաքագրեցինք և շուրջ 60 սարքին համակարգիչ նվիրաբերեցինք Արցախի Մարտունու շրջանի «Ես» հիմնադրամին ու Սոս գյուղի դպրոցին, Հադրութի դպրոցին և Շուշիի քոլեջին (երկուսն էլ ժամանակավոր տեղակայված են Ստեփանակերտում), Վարանդայի դպրոցին, Աստղաշենի մանկապարտեզին և Հայաստանի Ուսանողի տանը։
Հաջորդ տարի ևս մենք շարունակելու ենք հավաքագրումը, քանի որ նվիրաբերված ամեն համակարգիչ կարող է կրթական նոր դուռ բացել Արցախի ու Հայաստանի սահմանամերձ համայնքներում բնակվող մեր երեխաների համար։ Իսկ ամենակարևորը՝ յուրաքանչյուրը կարող է մասնակից դառնալ ծրագրին՝ վստահ լինելով, որ տեղեկացվելու է, թե իր նվիրատվությունն ուր հասավ և ինչ նպատակի է ծառայելու։